نادى أدب التل الكبير

حللت أهلا ونزلت سهلا
نرحب بكل من شرفنا وسجل لدينا
نادى ادب التل الكبير
مجلس ادارة النادي

نادى أدب التل الكبير

واحةالأدب ونهر الكلمات ومنتجع الهدوء النفسى وحلبة للمتبارين من الادباء
 
البوابةالرئيسيةمكتبة الصورس .و .جبحـثالأعضاءالمجموعاتالتسجيلدخول
نادى ادب التل الكببير يرحب بالزائرين

نادى ادب التل الكبير يهنئ الشاعر الكبير عاطف رشاد على حصولة على عضوية اتحاد كتاب مصر ويتمنى له دوام التوفيق
بحـث
 
 

نتائج البحث
 
Rechercher بحث متقدم
المواضيع الأخيرة
» الى الراحل الكريم محمد اسماعيل على
الإثنين نوفمبر 19, 2012 8:20 pm من طرف Admin

» الهادى رئيسا لنادى ادب التل الكبير
الإثنين نوفمبر 19, 2012 6:35 pm من طرف Admin

» ملحمة الخلود فى وداع صابر ابو السعود للشاعر عبد الله الهادى
الجمعة يوليو 29, 2011 2:19 pm من طرف أشرف صابر أبوالسعود

» قالولى بتحبها للشاعر عاطف رشاد
الأربعاء يونيو 01, 2011 12:00 am من طرف Admin

» أول اجتماع تنظيمى لتأسيس نقابة مستقلة لفلاحى الدقهلية
الثلاثاء مايو 03, 2011 2:07 am من طرف فلة شمعة منورة

» يا طيارة قصيدة للاطفال للشاعر عصام بكرى
الأحد فبراير 20, 2011 10:47 pm من طرف Admin

» الهجرة النبوية للشاعر عصام بكرى
الأحد فبراير 20, 2011 10:39 pm من طرف Admin

» حضن امان
الإثنين فبراير 07, 2011 1:47 pm من طرف شيخ الشعراء

» شهيد للمرة الثانية قصة للاديب حسين عبد الغنى
السبت يناير 08, 2011 7:23 pm من طرف Admin

منتدى
أفضل 10 أعضاء في هذا المنتدى
Admin
 
منى عبد الحافظ
 
اسراء
 
محمودالشامي
 
هموسة
 
شادية الملاح
 
عبد الله الهادى
 
مصطفى صوار
 
شيخ الشعراء
 
أشرف صابر أبوالسعود
 
سحابة الكلمات الدلالية
احصائيات
هذا المنتدى يتوفر على 22 عُضو.
آخر عُضو مُسجل هو احمد غالى فمرحباً به.

أعضاؤنا قدموا 232 مساهمة في هذا المنتدى في 123 موضوع
الزوار

.: عدد زوار المنتدى :.

مرحبا بكم/ عاطف رشاد

شاطر | 
 

 ملحمة الخلود فى وداع صابر ابو السعود للشاعر عبد الله الهادى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 129
نقاط : 3410
تاريخ التسجيل : 08/10/2010
العمر : 44
الموقع : نادي ادب التل الكبير

مُساهمةموضوع: ملحمة الخلود فى وداع صابر ابو السعود للشاعر عبد الله الهادى   السبت نوفمبر 13, 2010 10:40 pm

قبل الحكايه ما تبتدى
ها امسح دموعى
وافرد قلوعى فى الرضا
علشان تكون الفضفضا
سلوى وطبيب
ياغيب بريدك فى النفس
والنفس صفحه بين إيديك
سايق عليك كل الآيات
لتبل شربات النجاح
رحمة على روح إللى راح
وتصلى وتسلم معانا
ع النبى خير الورى
يـا إســـــــــــــــــم
غنا للوطن ألحان
يامهرجان
جوه القلوب منصوب
مكتوب علينا نودعك
ونسَمَعك لحن الغروب
مغلوب ياشوق الدمع
قبل ماتبتدى
ياروحى قومى
سددى دين الخليل
ردى الجميل للصبر
وانوى للصلاه
الله عليك
ياأبو قلب أبيض م الحليب
الروح طبيب
كانت بتشفى المجروحين
والعين تساع الكون
بنانى للحمام
يا مداحين
الحب والشوق والغرام
سيبو الكلام
يشفى هواى م الجراح
هو إللى خبط ع الصباح
ورمانى فيه
تبدر إيديه الفرح
وترُش المعانى
حرمانى خضّر
وابتدا البور الطويل
الليل وموال الوجع والآه
خلوا الحياة تواه وجنيه
ودموع عينيه
شربت الأهوال معاى
بعدك نهاية
خلت الأحلام عليلة
يا ألف ليله
دوبينى فى الحنين
مين اللى قال إنك رحلت
إنت مازلت ف وسطنا
توزن مقامنا وبسطنا
وتحُطنا فوق السحاب
أنا والكتاب والصبر
والقلم الحزين
رافعين دُعانا للسما
والرب شاهد
إنك هتفضل فى القلوب
زكرى ومشاهد
وف كل مشهد
نلتقيك حدوته طارحه
والفاتحه تسبح فى الفضا
وتروح إليك
والجنه تفتح حُضنها
وتقول آمين


[b]اول فصول الملحمه

رنيت عليه
ما لقيتش رد
وطلبت تانى الخوف نادانى
وقال لى ســد
فردت روحى فى الظنون
وسألتنى
يمكن يكون
تعبان وانا مش مستعد
صابر ماكانش أى حد
وشديت الرحال بدرى
وروّحْ عـــــمرك
المشحون بأحلامك
وسيبت النعى جواىّ
بيشرب مُــر أحزانك
يسيل الصبر من روحى
على جروحى
يواسينى فى إصرارك
وعصيانك لأ وجاعك
وطغيانك على هــــمك
ولا يهمك .
يافارد للرضا باعك
وإبداعك سما وبحور
وأرض براح
وإخلاصك صباح طالع
كشفت النجم والطالع
لقيتك ضى حواليّ
وحطيت
الألف ع الياء
تغوص في
وتسكن في الحشا وتبات
وحطيت
الألف ع الهاء
تطير بيا
وتعلا فوق سبع سموات
ورصيت الحروف
علي بعض
ترسم لي
من الأوجاع معدية
واعـدي لمين
وفـين الشــط
ويعلا بي السؤال ويحط
وفوق الخط عنوانك
بيتمنى
تكون الجنة بستانك

[b]
[b]تانى فصول الملحمة

صابر ولد حب البلد
وملاها طيبة وجدعنة
واندار يفتش فى الهوا
عن اى شيئ
ينفع دوا للمجروحين
للمرتاحين فوق الوجع
صابر رفع سهم الصفات
إللى استجارت م العدم
صابر وفـا صابر دفـا
صابر كــرم

[b]خلاص مابقاش

لا نـافع طب ولا إنعاش
ما فيش بعد النهايه كلام
وقد الرزق عمرك عاش
ياريت العمر كان وافى
ياريت الطب كان شافى
وألف ياريت مع دموعى
على باب السما دقت
وشقت روحى واتمنت
تعيش العمر متعافى
ياصافى والوفا توبك
وودك سارى فى دروبك
وشوقك غيته معانيك
ودايمًا ضحكتك فى عينيك
ودايمًا رقـــتك فى إيديك
ودايمًا خطوتك واسعهَ
بتسعى والأدب حواليك
وكل الود مــايفرع
عيونا م الهوا تخبيك
دعيت لك ربنا يشفيك
لاكين قدرك ملىَّ كفك
وزفك للخود طاهر
وف الخافى وف الظاهر
دعيت لك قد إخلاصك
وكاسك فىَّ زمزمنى
قعدت وروحى بتعانى
وقفت وقلبى واكلنى
ولمَّا الصبر وصلنى
مليت الكون بدعواتى
وبين ذاتى وصلواتى
ليلاتى باطلب السلوان
وباطفى دمعتى بسيرتك
وبارسم ع الغياب صورتك
وبادعى الواحد المعبود
تعود يوم الحساب كسبان
ورب القدره يفتح لك
بيبان الجنه يا انسان

[b]
[b]تالت فصول الملحمه صابرعـــــلم

صابر هــرم
صابر ســما
صابر وطـن والروح براح
خــطى عــلى كل الـــجراح
والحــب فى الأيــام نـــــما
من فوق
شواشى القلب
هابعت لروحه فاتحتين
متعطرين صبر ورضا
ما انا أصلى مؤمن
بالقضا من غير حدود
موعود
بتأبين الحنين المعتبر
صابر عـَبْر
على كل آفات الحياة
واليأس مات على ضحكته
شال المرار من سكته
وفضل يفرق ع السنين
حب وحنين
العين بتعشق
كل طيف بيفوت عليه
كانت إيديه
مفتوحه دايـمًا للسلام
كان الكلام
سكر وعنبر وحكايات
هوّه إللى فرّع
فى الساحات ورد ونخيل
هوّه إللى غنىَ للوطن
أجمـــل غـُـنا
ع الدندنــا
طابت جروح المجروحين
فوق بيوت الفلاحين
عدا طيف اليأس مرّه
عدا مرّه وألف مرّه
صابر القلب إللى درّا
دقته فى الكون عبير
صابر الحضن إللى ساعنا
والمدىَ إخلاص وخير
صابر القلب الكــبير
رابع فصول الملحمة
اربع حروف جواىّ نيل
كانوا الدليل
لظروف بتتمنا الشفا
واتحلوا بالصبر الجميل
ومافيش جحود
ومافيش جـــفا
هدو سدود المستحيل
كانو إذا قالوا إستمعنا
والخواطر هاتفه
فلنستعين بقولهم
ليزيح عنا العاصفة
نقطة وحيدة
عدت البر بسلام
نقطة نظام
شربت من الأيام صفاه
الآهـ شوية
والبكا ما يكفينيش
من يوم ما شفته
صورته جوّه الروح أفيش
ريش الهزار
فى الجد فرّع وانتشر
القطرصفر
عطرالدم الخفيف
الأربعه .. باربعه جنيه ..
سيل عليه الضحك
م الشبابيك مطر
حكم القدر
إن السفر آخرهُ النزول
مغزول ياتوب الصبر
بخيوط الرضا
مغزول يافنى
بالتمنى للى راح
يلقى البراح
فى القبر واصل للسما
والجنه تنده ع الحروف
إللى ف حياتنا معلمة

[b]
[b]آخر فصول الملحمة

محصول حياة العبد إيه
عمله وصيته وعزوتة
فى الآخره لو راضيين عليه
هيلاقى رحمة ربنا
فاتحة إيديها وبتنادية
الدنيا آخرتها الفنا
ومافيش مخلد فى الوجود
الدود هياكل لحمنا
ويضمنا ليل اللحود
خللى حدود العمر خير
وافتح فى روحك ألف باب
فى الحب دوب
ع الطاعة سير
تفرح كتير يوم الحساب
صون الشباب
قبل المشيب
واوعىَ الحلال عنك يغيب
وان عشت راضى بالنصيب
سيرتك هتفضل ملحمة
[/b][/b][/b][/b][/b][/b][/b][/b]
[b][b][b][b][b][b][b]
[/b][/b][/b][/b][/b][/b][/b]

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://altlalkber.yoo7.com
أشرف صابر أبوالسعود



عدد المساهمات : 1
نقاط : 1
تاريخ التسجيل : 27/07/2011
العمر : 32

مُساهمةموضوع: رد: ملحمة الخلود فى وداع صابر ابو السعود للشاعر عبد الله الهادى   الجمعة يوليو 29, 2011 2:19 pm

جزاك الله خيرا يا عمو عبدالله ... واسأل الله رب العالمين ان يجمعنى وأبى وإياكم فى جنات النعيم ... آمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ملحمة الخلود فى وداع صابر ابو السعود للشاعر عبد الله الهادى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نادى أدب التل الكبير :: منتدى الشعر :: الشعر العامى-
انتقل الى: